Gofalwr Maeth – Cynorthwy-ydd Gofal Iechyd/Gweithiwr Cefnogi

Cynorthwywyr Gofal Iechyd / Gweithwyr Cymorth SIR Y FFLINT

Gall eich sgiliau mewn gofal drawsnewid dyfodol person ifanc.
Dechreuwch eich taith fel Gofalwr Maeth Pontio Lleol heddiw.

Ydych chi eisoes yn gwneud gwahaniaeth bob dydd — yn cefnogi pobl trwy eich gwaith mewn gofal iechyd, cartrefi gofal, neu rolau cymorth cymunedol?
Ydych chi erioed wedi meddwl am ddefnyddio eich profiad i newid bywyd person ifanc, o’ch cartref eich hun?

Gyda Maethu Cymru Sir y Fflint, gallwch chi wneud hynny.

Gallwch gymryd y sgiliau sydd gennych eisoes – tosturi, tawelwch, ymrwymiad, a’u defnyddio lle mae eu hangen fwyaf: cynnig cartref sefydlog, cefnogol i berson ifanc yn ystod cyfnod tyngedfennol yn eu bywyd.

Mae hyn yn fwy na maethu traddodiadol.
Dyma Faethu Pontio Lleol, rôl a allai fod yr un fwyaf gwobrwyol ac ystyrlon a gawsoch chi erioed.

Beth yw Maethu Pontio Lleol?
Mae ‘Lleol’ yn golygu o fewn eich ardal, ac mae’r cysylltiad lleol hwnnw’n golygu popeth i ymdeimlad person ifanc o berthyn, hunaniaeth a dyfodol.

Ni yw’r gwasanaeth maethu awdurdod lleol yn Sir y Fflint, nid asiantaeth breifat. Mae hynny’n golygu ein bod ni’n canolbwyntio’n llawn ar blant o’n cymunedau ni, ac yn dod o hyd i’r cartrefi cywir iddynt, yma.

Mae angen mwy na gofal maeth traddodiadol ar rai pobl ifanc.
Efallai eu bod yn symud ymlaen o ofal preswyl neu amgylcheddau cymorth uchel a bod angen cymorth tawel, amyneddgar arnynt i’w helpu i setlo i fywyd teuluol.

Dyna lle gall eich profiad a’ch sgiliau chi wneud gwahaniaeth mawr.

Allech chi fod yn Ofalwr Maeth Pontio Lleol?
Rydym yn chwilio am bobl â chefndir gofalgar, pobl fel cynorthwywyr gofal iechyd, gweithwyr cymorth, gofalwyr, a’r rhai sydd â phrofiad bywyd o gefnogi eraill.Pobl fel chi.

Os gallwch gynnig:

• Cartref tawel, meithringar
• Eich gofal a’ch ymrwymiad llawn amser
• Y gallu i adeiladu perthnasoedd sefydlog, llawn ymddiriedaeth

Yna byddwn gyda chi, bob cam o’r ffordd.

Pecyn cymorth llawn sy’n adlewyrchu eich ymrwymiad

Rydym yn cydnabod yr ymroddiad a’r sgiliau arbenigol y mae’r rôl hon yn galw amdanynt. Dyna pam rydym yn cynnig cymorth cynhwysfawr, lwfansau hael, a hyfforddiant wedi’i deilwra i’ch helpu i lwyddo.

• Pecyn cymorth ariannol blynyddol o £50,000
• Hyd at £258.79 o lwfans maethu wythnosol (dros £13,453 bob blwyddyn)
• Lwfansau ychwanegol ar gyfer penblwyddi, gwyliau a’r Nadolig (hyd at £1,035 bob blwyddyn)

A hefyd:

• Cymorth un-wrth-un parhaus gan eich tîm Maethu Cymru Sir y Fflint lleol
• Gofalwr cymorth cysylltiedig i roi cyngor ymarferol a chefnogaeth
• Hyfforddiant therapiwtig arbenigol i fagu eich hyder
• Grwpiau cymorth cymheiriaid a gweithgareddau lles rheolaidd
• Goystyngiad o 50% yn y Dreth Gyngor
• Aelodaeth o’rCerdyn Golau Glas i gael gostyngiadau ledled y DU
• Gwobrwyon a chydnabyddiaeth drwy’r ap CareFriends
• Aelodaeth am ddim yn y Rhwydwaith Maethu, a mynediad i’r gymuned cymorth Mockingbird (lle bo ar gael)

Rydym yn chwilio am bobl sydd:

• Â phrofiad proffesiynol neu bersonol o gefnogi plant neu bobl agored i niwed
• Yn gallu darparu cartref sefydlog, meithringar
• Ag ystafell wely sbâr i berson ifanc
• Yn dal trwydded yrru lawn
• Yn gallu gofalu’n llawn amser
• Yn fodlon dysgu, adfyfyrio a gweithio’n agos â’n tîm

Rydym fel arfer yn gofyn nad oes gennych blant ifanc o dan 16 oed yn byw gartref, ond mae pob sefyllfa’n cael ei hystyried yn unigol yn rhan o’r broses baru.

Gwnewch wahaniaeth parhaol — yn union lle rydych chi’n byw.
Rydych chi eisoes yn gwneud gwahaniaeth yn eich gwaith o ddydd i ddydd.
Nawr, gallwch gael effaith fwy fyth, a mwy personol, trwy gynnig teulu, perthyn, a dyfodol llawn gobaith i berson ifanc.

Mae Maethu Cymru Sir y Fflint yma i’n cymuned, i’n pobl ifanc, ac i chi.